Poetry نظم

ایمبو لینس کے اندر سے!

 ۔نانو جی کےلیے

شاعرہ : عنبرین صلاح الدین

صدیوں جیسے پل
کانوں میں سر سر کرتا ہے
وقت کا مایہ جل

گُونجے ہر آواز
ایک چنگھاڑ طواف کرے اور
کھولے سارے راز

پیچھے رہ گیا گھر
بیٹھی ہوں میں سانسیں روکے
گود میں تیرا سر!

رستے ہٹتے جائیں
پہییے چیخیں گرم سڑک پر
سگنل کھُلتے جائیں

کتنی دُور نگر
سو سو بار اِک پل میں سوچوں
کتنا اور سفر!

اندر سب گُم صُم
کھڑکی سے باہر کی دُنیا
اپنی دُھن میں گُم

لفظ نہیں بن پائیں
ہاتھوں پیروں میں بے چینی
سانسیں اُکھڑی جائیں

خاموشی تھرّائے
’’میرے سر کو اُونچا کر دو‘‘
اِ ک سرگوشی آئے

باتوں سے بہلائوں
ماتھے کو سہلائوں،لیکن
کچھ بھی کر نہیںپائوں

کیسے کہوں یہ بات
اِک شریان سے نکلا خوں اور
زیست کو ہو گئی مات

منظر یوں پھِسلے
گھڑی میں وقت نے کروٹ بدلی
لمحے بہہ نکلے

کچھ بھی ہاتھ نہ آئے
جتنے بھی میں جتن کروں اب
ہاتھوں کو پھیلائے

سنگت ختم ہوئی
ساری باتوں کی اِک بات ہے
مُہلت ختم ہوئی!

km

About Author

Leave a comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

You may also like

نظم

ایک نظم

  • جولائی 11, 2019
       از : یوسف خالد اک دائرہ ہے دائرے میں آگ ہے اور آگ کے روشن تپش آمیز
نظم

آبنائے

  • جولائی 13, 2019
         اقتدارجاوید آنکھ کے آبنائے میں ڈوبا مچھیرا نہ جانے فلک تاز دھارے میں گاتی ‘ نہاتی