شاعر : قتیل شفائی
درد سے میرادامن بھر دے یااللہ
پھر چاہے دیوانہ کر دے یااللہ
میں نے تجھ سے چاندستارے کب مانگے
روشن دل ، بیدار نظر دے یااللہ
میرے کاندھے جس کواپنا جان سکیں
مجھ کو سوچنے والا سر دے یااللہ
دھوپ میں چلنےوالےموم کے لشکرکو
کوئی سایہ دار شجر دے یااللہ
سینہ تان کے چلتارہنے دے مجھ کو
دینا ہے تو اپنا ڈر دے یا اللہ
یادھرتی کے زخموں پرمرہم رکھ دے
یا میرا دل پتھر کر دے یا اللہ
(آموختہ)
روشن دل،بیدار نظر دے یااللہ
