نعت

سنتے ہیں آپ ؐ ہر دلِ مجبور کی صدا : ریاض احمد احسان

ریاض احمداحسان
ریاض احمد احسان
لاکھوں کروڑوں درود و سلام تاجدارؐ بزم ہستی پر— لاکھوں کروڑوں درود و سلام تاجدار شعورؐ پر— لاکھوں کروڑوں درود و سلام باعث افزائش عالم پر—- لاکھوں کروڑوں درود و سلام زینت و زیبائش عالم پر— لاکھوں کروڑوں درود و سلام دارین میں ختم المرسلینؐ ھو کر تشریف لانے والے پر— لاکھوں کروڑوں درود و سلام شفیع المذنبیں ؐ ہو کر کائنات پر چھانے والے پر—- لاکھوں کروڑوں درود و سلام انؐ پر جن کا فکر مشعل ادراک بن کر رہتا اور ذکر تاسرافلاک رہتا ھے—- لاکھوں کروڑوں درود و سلام انؐ پر جن کی مدحتیں حوران بہشتی کرتی ہیں— لاکھوں کروڑوں درود و سلام انؐ پر کہ جن کی شفقتیں مثل فیضان رحمت بن کر کل عالم پر چھائی ھیں—- لاکھوں کروڑوں درود و سلام انؐ پر کہ جن کی مشعل عرفاں سے کائنات میں اجالا ھے—- لاکھوں کروڑوں درود وسلام انؐ پر کہ جو اُمّی لقب پا کر بھی مہ ام القراء اور تاجدار شعورؐ کہلائے—–
لاکھوں کروڑوں درود و سلام کدورت کا بے تنویر شیشہ توڑنے اور اخوت، برداشت اور بھائی چارے کا عالمگیر رشتہ جوڑنے والے رحمت دوعالمؐ پر—-
جب بھی کہیں سے اٹھی ہے مجبور کی صدا
ان ؐ کے کرم نے ڈھانپ لی مزدور کی صدا
ہر سمت اب بھی پھیل رہی ھے جہان میں
میرے رسول ؐ پاک کے منشور کی صدا
لوٹ آئی ھے نوید مسرت لیے ھوۓ
ان ؐ کے حضور سے دل رنجور کی صدا
آئین کہنہ جو تھے معطل ھوۓ تمام
ابھری شہ ؐ عرب کے جو دستور کی صدا
کرتے ہیں آپ ؐ ھر کس و ناکس پہ فیض چشم
سنتے ہیں آپ ؐ ھر دل مجبور کی صدا
احسان ان ؐ کو دونوں برابر سنائی دیں
نزدیک کی پکار ہو یا دور کی صدا

km

About Author

Leave a comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

You may also like

نعت

نعت ۔۔۔ شاعر:افضل گوہرراو

  • ستمبر 25, 2019
افضل گوہرراو لہو کا ذائقہ جب تک پسینے میں نہیں آتا میں پیدل چل کے مکےّ سے مدینے میں نہیں
خیال نامہ نعت

نعت:حفیظ تائب

  • ستمبر 27, 2019
حفیظ تائب خوش خصال وخوش خیال و خوش خبر،خیرالبشرﷺ​ خوش نژاد و خوش نہاد  و خوش نظر، خیرالبشرﷺ​ ​ دل