جشن آزادی مبارک 


شاعر: قمرریاض

پہلے میں نے ماں کو دیکھا اور پھر دیکھا پاکستان 
اُنگلی پکڑ کے چلنا سِیکھا اور پھر دیکھا پاکستان
بڑا ھوا تو خبروں میں ، اسکولوں میں ،اخباروں میں 
قائِد کے اَفکار کو سمجھا اور پھر دیکھا پاکستان
پاک وطن کے رکھوالوں کی وَردی چومی آنکھوں سے
سبز ہلالی پرچم تھاما اور پھر دیکھا پاکستان
اپنی یہ پہچان بھی ھے اور اپنا یہ ایمان بھی ھے 
ھم نے اِس کو مِل کر مانگا اور پھر دیکھا پاکستان
مَری گئے ، کاغان گئے ، چترال گئے ، کشمیر گئے 
پھر ہم نے لاھور کو چاہا اور پھر دیکھا پاکستان
پاکستان میں رہتے ہیں سب چاند سِتارے جیسے لوگ 
ھم نے قمر ہر ایک کو پَرکھا اور پھر دیکھا پاکستان
قمرؔریاض
14 اگست 2019
Image may contain: night
You might also like

Leave A Reply

Leave Your Comments for this Post