منیر نیازی

منیرؔنیازی دیاں پنجابی نظماں (۱)


شاعر: منیرنیازی
(۱)
اِک موقعے تے
ایڈیاں دَردی اکھاں دے وچ
ہنجو بھرن نہ دیواں
وَس چلے تے ایس جہان وچ
کسے نوں مرن نہ دیواں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 (۲)
وحشی عورت
گوڑھے بدل شوکدیاں واواں
کالے کٹھن پہاڑ
مہندی ورگے لال بغیچے
ہرے تھور دی واڑ
ڈب کھڑبا جسم اوسدا
مکھڑا وانگ بہار
ہتھ دے اشارے نال بلاوے
چیتے ورگی نار
میرے لہو دی بونے اوہنوں
دتا انج کھلار
جیویں دشمن دے ہتھاں وچ
پھڑی ہوئی تلوار
اکھاں سن یا تیر قضا دے
چلن نوں تیار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 (۳)
ہوا نال ٹکراں
اُپر قہر خدا میرے دا
ہیٹھاں لکھ بلاواں
سب راہواں تے موت کھلوتی
کیہڑے پاسے جاواں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 (۴)
اک کُڑی
پیار کرن توں کافی پہلے
کنی سوہنی لگدی سی
اپنے مرن توں کافی پہلے
کنی سوہنی لگدی سی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 (۵)
تریا چلتر
بھید نئیں کھلیا آخر کی اے
ایس کڑی دی چال
کلیاں ورگا رنگ اے جس دا
بدلاں ورگے وال
کی ہووے تے انج ملدی
جیویں گورھے یار
جے کوئی نال سہیلی ہووے
اکھاں نہ کر دی چار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 (۶)
شہر دے مکان
اپنے ای ڈر توں
جُڑے ہوئے نیں
اک دوجے دے نال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 (۷)
گان والے پنچھی دی ہجرت
ہری شاخ کنب رہی اے
تھوڑی دیر پہلے ایتھے عجب رنگ دا پنچھی بیٹھیا گا رہیا سی
کسے نے اوہنوں ڈرا دتا تواو اڈ گیا
ہر ی شاخ اس دے اڈن دے بھار نال کنبی سی
کجھ دیر انج ای کنب دی رہے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 (۸)
ہونی دے حیلے 
کس دا دوش سی کس دا نئیں سی
ایہ گلاں ہن کرن دیاں نئیں
ویلے لنگ گئے توبہ والے
راتاں ہو کے بھرن دیاں نئیں
جو ہویا ایہ ہونا ای سی
تے ہونی روکیاں رکدی نئیں
اک وار جدوں شروع ہو جاوے
گل فیر اینویں مکدی نئیں
کچھ انج وی راہواں اوکھیاں سن
کچھ گل وچ غم دا طوق وی سی
کجھ شہر دے لوگ وی ظالم سن
کجھ مینوں مرن دا شوق وی سی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 (۹)
عمر دا اصل حصہ
ملدا کیہ اے ایس دنیا وچ
رت اک نویں جوانی دی
ہو کے بھرن دی پیار کرن دی
اکھاں دی نادانی دی
باقی عمر تے بس فیر اینویں
نسدیاں بھجدیاں لنگھدی اے
دور دراز دیاں سوچاں اندر
روندیاں ہسدیاں لنگھدی اے
بھلدے جاندے خواباں دے
عکساں نوں لبھدیاں لنگھدی اے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(۱۰)
کسے دن
یارمرے بھلا کون اے ایتھے بحر زمین پہاڑ
اساں کسے دن سرے مل کے کراں گے ا و یلغار
ساڈے ای ورگا چپ اسمان وی جائے گا ساتھوں ہار
وانگ ورولیاں اڈدا پھرے گا
دیاں گے ایسی واج
لاہ کے رکھ دیاں گے اوس دی
سرداری دا تاج

km

About Author

Leave a comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

You may also like

Poetry غزل منیر نیازی

منیرنیازی کی غزلیں (۱)

  • ستمبر 19, 2019
منیرنیازی اشک رواں کی نہر ہے اور ہم ہیں دوستو               اس بے وفا کا
منیر نیازی

رستہ گئے مسافر کا اب دیا جلا کر دیکھ : منیرنیازی

تجھ سے بچھڑ کر کیا ہوں میں اب باہر آ کر دیکھ ہمت ہے  تو  میری حالت  آنکھ  ملا  کر