غزلیاتِ غالب (۱)

کہوں جو حال تو کہتے ہو    ،    مدعا کہیے 
تمہیں کہو کہ جو تم یوں کہو تو کیا   کہیے؟
نہ کہیو طعن سے پھر تم کہ ،ہم ستمگر ہیں 
مجھے تو خو ہے کہ جو کچھ کہو    “بجا” کہیے
وہ نیشتر سہی پر دل میں جب اتر جاوے
نگاہِ ناز    کو      پھر کیوں نہ    آشنا    کہیے
نہیں      ذریعۂ راحت    جراحتِ     پیکاں
وہ    زخمِ تیغ ہے جس کو کہ    دلکشا کہیے
جو مدعی بنے    اس    کے    نہ مدعی بنیے
جو     نا سزا      کہے اس کو نہ   نا سزا کہیے
رہے نہ جان    تو    قاتل کو خونبہا دیجے
کٹے    زبان    تو    خنجر    کو    مرحبا کہیے
نہیں نگار کو الفت، نہ ہو    ، نگار تو ہے!
روانئِ    روش    و    مستئِ     ادا      کہیے
نہیں بہار کو فرصت، نہ ہو    بہار تو ہے!
طرواتِ      چمن     و    خوبئِ     ہوا    کہیے
سفینہ    جب کہ کنارے    پہ آلگا   غالبؔ
خدا سے کیا    ستم و جورِ    ناخدا    کہیے!

۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰

۲ ۔  غزل

۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰

You might also like

Leave A Reply

Leave Your Comments for this Post