لا وارث مصرعے : آصف راز ۔۔۔ تبصرہ:یوسف خالد


یوسف خالد
اردو اور پنجابی کے معروف شاعر، ڈرامہ نگار، نیوز کاسٹر، صدا کار اور صحافی جناب آصف راز کا تنقیدی و تحقیقی مقالہ چھپ چکا ہے – 416 صفحات پر مشتمل یہ مقالہ ادب اکادمی لاہور- سرگودھا کے زیر اہتمام شائع ہوا ہے – اس مقالہ میں بڑی محنت سے ایسے اشعار، مصرعے اور کچھ غزلیں وغیرہ اکٹھی کی گئی ہیں اور ان کے متعلق جو گمراہ کن معلومات لوگوں تک پہنچ چکی ہیں ان کو نشان زد کر کے ان کی اصل صورت کو قارئین کے سامنے لایا گیا ہے – بہت سے لا وارث مصرعوں کے تخلیق کار تلاش کر کے مکمل اشعار درج کیے گئے ہیں – یہ اردو ادب کی بہت بڑی خدمت ہے اور اس ریاضت کی جتنی بھی تحسین کی جائے کم ہے –
ایسا تحقیقی کام بلا شبہ بہت کٹھن ہوتا ہے – آصف راز نے یہ مشکل کام مکمل کر کے اس مقالے کو ادب کے قارئین کے لیے حوالے کی شکل عطا کر دی ہے –
آصف راز کا تعلق سرگودھا سے ہے -ان کی سات کتب شائع ہو چکی ہیں اور ان کا پنجابی کلام ایم اے پنجابی یونیورسٹی آف سرگودھا کے نصاب کا حصہ ہے
آصف راز کو بہت بہت مبارک ہو

You might also like

Leave A Reply

Leave Your Comments for this Post