اک محمدؐ جگ دا والی
نسلوں اچاّ ، وصفوں عالی
خُلق پیار جہدا انمّلا
مہرِ مروّت جہدی نرالی
راکھا کمزوراں دے حق دا
عدل انصاف دے باغ دامالی
جس نے کفر ہنیری اندر
حق سچ والی بتی بالی
جس دے خدمت گارفرشتے
جس دے در سلطان سوالی
جِنّاں جہدی اطاعت کیتی
نبیاں جہدی قیادت بھالی
دنیا دے وچ چانن ونڈے
جس سوہنے دی کملی کالی
پاوے ٹھنڈ دلاں دے اندر
جس دے روضے پاک دی جالی
تائب جس دے دروازے توں
مانگت مڑیا کدی نہ خالی
نعت : حفیظ تائب
