Poetry غزل

غزل ۔۔۔ شاعرہ : فرح خان


فرح خان
اعراب، لفظ،  حرف کہانی  اٹھائیے
جو  چیز آپ  نے ہے  اٹھانی اٹھائیے
سمجھے گا کون قصہ نئے دورکا یہاں
رکیے   حضور   بات   پرانی  اٹھائیے
رختِ  سفر اٹھا  لیا اچھا کیا مگر
اب آخری، سفر کی  نشانی اٹھائیے
ممکن لرزتا ہاتھ بدن کو ادھیڑ دے
بہتر ہے آپ شوخ جوانی اٹھائیے
رہنے دیں میرے پاس ابھی رنگِ شامِ وصل
دریائے   وقت  سے  نہ  روانی اٹھائیے
جذبہ نہیں تو شعر  و سخن سب ہوئے  غلط
مصرعے میں کوئی جذبِ نہانی  اٹھائیے
بجنے   لگا ہے کوچ  کا  نقارہ دم  بہ  دم
اب  چھوڑیے  قیام، روانی   اٹھائیے
جس  نے کیے  فقیر  کئ بادشہ  فرح
خوش رنگ خوش مزاج وہ رانی اٹھائیے
فرح خان….

km

About Author

2 Comments

  1. Tahir Gul

    اگست 30, 2019

    بہت خوبصورت ۔۔ ہر شعر بہت عمدہ اور اعلٰی
    بہت داد ۔۔۔ واہ واہ واہ واہ

  2. اوصاف شیخ

    اگست 30, 2019

    بہت اچھی غزل ہے ۔۔۔ ہر شعر قابل داد
    سلامتی ہو

Leave a comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

You may also like

غزل

غزل

  • جولائی 12, 2019
شاعر : خورشید ربانی غم نہیں غم آفریں اندیشہ  ہے آئینے  میں جاگزیں  اندیشہ  ہے موجہِ  گرداب  تک تھے  ایک
Poetry غزل

غزل … ڈاکٹرخورشید رضوی

  • جولائی 16, 2019
ڈاکٹرخورشید رضوی دل  کو  پیہم    وہی  اندوہ  شماری   کرناایک ساعت کوشب و روز پہ طاری کرنا اب وہ  آنکھیں