ہونی دے حیلے : منیرنیازی

کس دا دوش سی کس دا نئیں سی

ایہ گلاں ہن کرن دیاں نئیں

ویلے لنگ گئے توبہ والے

راتاں ہو کے بھرن دیاں نئیں

جو ہویا ایہ ہونا ای سی

تے ہونی روکیاں رکدی نئیں

اک وار جدوں شروع ہو جاوے

گل فیر اینویں مکدی نئیں

کچھ انج وی راہواں اوکھیاں سن

کچھ گل وچ غم دا طوق وی سی

کجھ شہر دے لوگ وی ظالم سن

کجھ مینوں مرن دا شوق وی سی

You might also like

Leave A Reply

Leave Your Comments for this Post