غزل

ہمیں یقین ہے اگلی صدی ہماری ہے : فرحت عباس شاہ

وہی ہے جبر ، وہی بے بسی ہماری ہے
وہی خدا ہیں ، وہی بندگی ہماری ہے

نہ دکھ ہیں بدلے،نہ دکھ دینے والے بدلے ہیں
وہی نصیب ، وہی زندگی ہماری ہے

ہے کب کسی کے کہیں آنے جانے سے بدلی
یہ مستقل ہے ، جو لاچارگی ہماری ہے

ہمیں پتہ ہے ، نہیں ہے بہادری اسکی
ہمیں پتہ ہے کہ یہ بزدلی ہماری ہے

شکم کی آگ کے آنکھوں سے بہہ نکلنے میں
کسی کا دوش نہیں کج روی ہماری ہے

ہمارے وہموں کی ترتیب کو نہ چھیڑے کوئی
کہ اب ، حضور ! اسی میں خوشی ہماری ہے

عدالتیں ہوں یا سرکار ہو یا دیگر ہوں
سبھی ہے انکا ، فقط شاعری ہماری ہے

بلند و برتر و اعلی براے عز وجلال
اسے بھی دیکھ جو بے مائیگی ہماری ہے

خدائے غم تری تقسیم کو سمجھتے ہیں
خوشی ہے اوروں کی آذردگی ہماری ہے

تمہارے ظلم کا  انجام ہونے  والا ہے
ہمیں یقین ہے اگلی صدی ہماری ہے
۔۔۔

younus khayyal

About Author

Leave a comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

You may also like

غزل

غزل

  • جولائی 12, 2019
شاعر : خورشید ربانی غم نہیں غم آفریں اندیشہ  ہے آئینے  میں جاگزیں  اندیشہ  ہے موجہِ  گرداب  تک تھے  ایک
Poetry غزل

غزل … ڈاکٹرخورشید رضوی

  • جولائی 16, 2019
ڈاکٹرخورشید رضوی دل  کو  پیہم    وہی  اندوہ  شماری   کرناایک ساعت کوشب و روز پہ طاری کرنا اب وہ  آنکھیں