نعت

حضورﷺ آپ نے رکھا ہُوا ہے میرا بھرم : مقصود علی شاہ

مقصود علی شاہ
مقصود علی شاہ
سدا بہ مائلِ رحمت ہے تیرا دستِ کرم
کریم ! تُو ہے تو ہم کو نہیں ہے کوئی بھی غم
کمال ربط سے جاری ہے زندگی کا سفر
عطا بہ سُوئے غریباں، طلب بہ سُوئے نِعَم
وہاں وہاں پہ دلِ ناصبور جھُکتا گیا
جہاں جہاں پہ ہُوا ہے گمانِ نقشِ قدم
ترا کرم ہو تو بن جائیں گے ثنا صورت
وگرنہ صوت میں ہمت نہ کوئی حرف میں دَم
بجُز حروفِ شکستہ کمال کچھ بھی نہ تھا
سو نعت لایا ہُوں آقا بہ طرزِ دیدۂ نَم
کہاں کہاں لیے پھِرتے یہ بے ثمر شب و روز
مدینہ زیست نہ ہوتا تو مر گئے تھے ہم
حضور آپ نے بخشی ہے نعت کی نسبت
حضور آپ نے رکھا ہُوا ہے میرا بھرم
حضور طرزِ حضوری سے مَیں کہاں واقف
اگرچہ دل بھی ہے لرزاں اور آنکھ بھی ہے خم
خُدا کا شُکر کہ تجھ سے ہیں مُلتجی آنکھیں
خُدا کا شُکر کہ تجھ کو پُکارتا ہے دلَم
جواز ان کو ہے معلوم اپنے ہونے کا
سو تیری نعت ہی لکھتے ہیں مرے حرف و قلم
مدینہ آئے ہیں جنت سے ہو ہی لیں مقصود
کہ متّصِل ہے مواجہ سے کوئے باغِ ارَم

km

About Author

Leave a comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

You may also like

نعت

نعت ۔۔۔ شاعر:افضل گوہرراو

  • ستمبر 25, 2019
افضل گوہرراو لہو کا ذائقہ جب تک پسینے میں نہیں آتا میں پیدل چل کے مکےّ سے مدینے میں نہیں
خیال نامہ نعت

نعت:حفیظ تائب

  • ستمبر 27, 2019
حفیظ تائب خوش خصال وخوش خیال و خوش خبر،خیرالبشرﷺ​ خوش نژاد و خوش نہاد  و خوش نظر، خیرالبشرﷺ​ ​ دل