نعت

برسنے آئی ہے مجھ پر گھٹا مدینے سے : سعید اشعر

بدن نے، روح نے پائی شفا مدینے سے
مرا بھی ہونے لگا رابطہ مدینے سے

مرے بھی سر پہ رہے گا حضور کا سایا
مرے لیے بھی چلے گی ہوا مدینے سے

درود پڑھتا ہوں اول بھی اور آخر بھی
قبول ہوتی ہے میری دعا مدینے سے

بھٹک چکا تھا میں اپنے وجود کے اندر
کرم  ہوا  کہ  ملا راستہ مدینے سے

مری زبان پہ تشنہ لبی کا چرچا تھا
برسنے آئی ہے مجھ پر گھٹا مدینے سے

تمام لفظ مرے ہو گئے ہیں نورانی
یہ نعت مجھ کو ہوئی ہے عطا مدینے سے

ہزار میل کی دوری پہ گرچہ بیٹھا ہوں
کمان بھر کا نہیں فاصلہ مدینے سے

younus khayyal

About Author

Leave a comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

You may also like

نعت

نعت ۔۔۔ شاعر:افضل گوہرراو

  • ستمبر 25, 2019
افضل گوہرراو لہو کا ذائقہ جب تک پسینے میں نہیں آتا میں پیدل چل کے مکےّ سے مدینے میں نہیں
خیال نامہ نعت

نعت:حفیظ تائب

  • ستمبر 27, 2019
حفیظ تائب خوش خصال وخوش خیال و خوش خبر،خیرالبشرﷺ​ خوش نژاد و خوش نہاد  و خوش نظر، خیرالبشرﷺ​ ​ دل