چَھنن چَھنن جے گھنگرو باجن دھڑن دھڑن دریا


شاعر: اقتدار جاوید
اچّے      تیرے محل    منارے ہیٹھ     وگن دریا
چھنن چھنن جے گھنگرو باجن دھڑن دھڑن دریا
ایس    وجود     دی اپنی رونق    اپنی جیا جون اے
اس    جنگل    وچ نچدا    پھردا    کوئی ہرن    دریا
ایتھے    موتی سفنے    اندر    اوتھے    اصلی لبھدے
پورا    شہر    ہنیرے      ڈبیا    تے  روشن    دریا
اکّو    دولت     ساڈے    کم دی    پانی وانگر کمبے
ساڈی    مِلک وراث    دو   اتھّر     ساڈا دھن دریا
دو منیاں دےوچ اساڈی رہتل،رہن دی تھاں اے
ہک منی جے اگلی پئی    دُھخدی    دوجی من دریا
ٹھڈّا ٹھار ہے جس دے اتے ریت ایہ ستّی پئی اے
تتا تا ہے جس دے    اندر    پئے       تڑفن دریا
قطرہ قطرہ ہو کے ہور ہک روپ چو نظری آون
تارہ    تارہ بن کے راتیں      فلک کِھڑن دریا
شیشے دا صندوق ہے کوٸی رُڑھدا پُڑھدا جاوے
روپ    سروپ    دا میلا    ٹھیلا کرن کرن دریا
کیہ    پتہ اس شہر    دی کنجی ہتھ میرےآ جاوے
دنے دوپہریں وانگ     پچھاویاں    آن ڈھلن دریا
نوبت باجے تے دل باجے دل باجے نوبت وچ
چار    چراغ    مزار     دے اتے    پنج بالن دریا

You might also like
  1. Dr Shabbir Ahmad Qadri says

    kia kehnay mphtaram Iqtdar javed sb , waah .

Leave A Reply

Leave Your Comments for this Post