پنجابی صفحہ

ایک ترانہ ۔۔ پنجابی میں


از: فیص احمد فیض 
اٹھ اُتاں نوں جٹّا
مردا کیوں جائیں
بھولیا! تُوں جگ دا اَن داتا
تیری باندی دَھرتی ماتا
توں جگ دا پالن ہار
تے مردا کیوں جائیں
اٹھ اُتاں نوں جٹّا
مردا کیوں جائیں
جرنل، کرنل، صوبیدار
ڈپٹی، ڈی سی، تھانیدار
سارے تیرا دتّا کھاون
توں جے نہ بیجیں، توں جے نہ گاہویں
بھُکھّے، بھانے سب مر جاون
ایہہ چاکر توں سرکار
مردا کیوں جائیں
اٹھ اُتاں نوں جٹّا
مردا کیوں جائیں
وچ کچہری، چونکی تھانے
کیہ اَن بھول تے کیہ سیانے
کیہ اشراف تے کیہ نمانے
سارے کھجّل خوار
مردا کیوں جائیں
اٹھ اُتاں نوں جٹّا
ایکا کر لئو، ہو جاؤ کٹھّے
بھُل جاؤ رانگڑ، چیمے، چٹھے
سبھے دا اِک پریوار
مردا کیوں جائیں
جے چڑھ آون فوجاں والے
توں وی چھَویاّں لَمب کرا لے
تیرا حق، تری تلوار
تے مردا کیوں جائیں
دے اللہ ہُو دی مار
تے مردا کیوں جائیں

km

About Author

Leave a comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

You may also like

پنجابی صفحہ

اک غزل

  • اگست 23, 2019
شاعر: یوسف خالد اساں بے قدراں نوں قدر سکھائی ہَس ہَس کے اساں پیار دی نِگھی جوت جگائی ہَس ہَس
پنجابی صفحہ

بابافریدگنج شکرؒکے چند شلوک

  • اگست 23, 2019
انتخاب واردو ترجمہ : یونس خیال  میں جاتا دُکھ مجھ کوں ، دُکھ سبھاہا جَگ        اُچے چڑھ