افضل گوہرراو
لہو کا ذائقہ جب تک پسینے میں نہیں آتا
میں پیدل چل کے مکےّ سے مدینے میں نہیں آتا
بس اُنگلی کے اشارے سے مرے دل کو بھی شق کردے
پگھلنے سے یہ پتھر آبگینے میں نہیں آتا
کوئی مقصدتوہے سینے میں سانسوں کی تلاوت کا
فقط جینا تو جینے کے قرینے میں نہیں آتا
مدینے کی ہوا کی تمکنت ملتی ہے جب گوہرؔ
دل اتنا پھیل جاتا ھے کہ سینے میں نہیں آتا
You may also like
خیال نامہ
نعت
نعت:حفیظ تائب
حفیظ تائب خوش خصال وخوش خیال و خوش خبر،خیرالبشرﷺ خوش نژاد و خوش نہاد و خوش نظر، خیرالبشرﷺ دل
نعت
نعت : احمد ندیم قاسمی
احمد ندیم قاسمی کچھ نہیں مانگتا شاہوں سے یہ شیدا تیرا اس کی دولت ہے فقط نقشِ کفِ پاتیرا تہ